Croeso i sesiwn gyda Cai

Cefndir y sesiwn a’r hwylusydd:

Yn ein dawns, beth am i ni ddechrau o fan hyn?
Y diwrnod hwnnw, y foment honno, yr anadl honno, yr ystum hwnnw?
Sut mae’n teimlo i wrthod yn llwyr y syniad ein bod yn gorfod mynd i unrhyw le, neu obeithio i unrhyw beth ddigwydd, efallai gall ein dawnsio ddod i’r wyneb o dderbyn ein hunain, yn union fel yr ydym ar y diwrnod hwnnw.
Efallai bod y ddawns yno'n barod, yn disgwyl y tu mewn i ni’n amyneddgar inni ddilyn yr ysgogiadau sydd eisiau digwydd. Beth petawn ni’n dechrau gyda’r hyn sy’n teimlo’n dda, yr hyn sy’n bleserus, a mynd o'r fan honno? Mae’n rhywle diniwed a rhwydd, mae plant yn aml yn dangos i oedolion sut i fynd ati, drwy chwarae rhydd, drwy ddilyn beth sy’n bywiogi ein chwilfrydedd.

Mewn gwirionedd, mae’r gweithdy’n ymwneud â gwrando’n astud ar sut mae ein sylw’n symud a sut rydym yn symud gyda'n sylw. Y syniad yw bod yn agored i chwarae drwy strwythurau byrfyfyr syml sy’n pwysleisio ac sy’n cefnogi’r cydgyfeiriad rhwng ymdeimlad, dychymyg a chysylltiad â lle a sut ydym ni.

Fy enw i yw Cai, ac rwy’n artist cwiar, cydryweddol, Cymraeg. Rwy’n defnyddio’r rhagenwau (ef/ yntau). Yn y bôn, mae fy ngwaith yn ymwneud â symudiad, ar bob ffurf. Rwy’n tueddu i symud rhwng gwahanol ffurfiau celfyddydol sy’n adlewyrchu gwahanol agweddau ar fy ymarfer, ond yn y bôn, y dychymyg, a’i gysylltiad â’n cyrff, sy’n mynd â fy mryd. Mae gen i hefyd ddiddordeb mewn iechyd ac iacháu, a sut mae'r celfyddydau'n ein helpu ni i ddod o hyd i'r hyn nad ydym yn gwybod ein bod ni'n chwilio amdano’n aml iawn. Mae pobl yn bodoli mewn pob lliw a llun, ac rydym i gyd yn gweld ac yn profi’r byd, ein llawenydd a’n llymder, mewn gwahanol ffyrdd. Yn fwy na dim, mae’r celfyddydau’n ein helpu i wrando, a drwy wneud hynny, drwy wrando go iawn, rydym yn rhannu peth o’n natur ddynol gyffredin, sef bod gyda'n gilydd yn y byd ar y foment honno, ac yr adegau hyn sy’n ein helpu i ganfod a chreu ystyr wrth inni fynd o un dydd i’r llall... www.caitomos.com

Ariennir gan:
Cyngor Celfyddydau Cymru

Rydym yn falch o fod yn sicrhau bod ein gwefan ar gael yn Gymraeg.

English

English

Mae’r wefan yn cael ei datblygu ar hyn o bryd ac nid yw'n edrych yn berffaith. Rydyn ni'n gobeithio y byddwch chi'n mwynhau'r hyn rydyn ni wedi'i wneud hyd yn hyn ac rydyn ni'n edrych ymlaen at rannu'r wefan orffenedig gyda chi yn fuan iawn!